Hmmm

Hver er staðan á okkur gaurunum?

Þetta eru síðustu fréttir.. 

        Stefnir            = Pabbi

        Alli                 = Pabbi

        Geir               = Vinna og kominn með kellu

        Hannes         = Skóla vinna og með kellu

        Nonni             =  Skóli vinna og blindfullur

Það er fjör í hópnum hehehe ;D 

Orðaskipti sem fram fóru á netinu á milli bandarískrar konu í leit að ríkum eiginmanni og óþekkts bankamanns á Wall Street, sem sagði hana í slæmri samningsstöðu, hafa vakið nokkra athygli í netheimum. Konan er 25 ára og auglýsti fyrir skömmu eftir aðstoð við að finna sér eiginmann sem hefði yfir hálfa milljón dollara í árslaun.

Í auglýsingunni sagðist konan vera "ofboðslega falleg" og "yfirborðskennd." Hún sagðist hafa verið með kaupsýslumönnum sem höfðu 200-250 þúsund dollara í árslaun "en ég virðist ekki geta komist ofar." Á slíkum launum nái enginn langt í New York, sagði konan, og spurði meðal annars: "Hvar er ríku og ókvæntu mennina að finna?"

Bankamaðurinn dularfulli, sem sagðist uppfylla öll skilyrði konunnar, útskýrði fyrir henni að hún væri að bjóða upp á "ferlega vond viðskipti."

"Útliti þínu mun hnigna, en peningarnir mínir halda áfram að ávaxtast um ókomna tíð ... staðreyndin er sú, að allar líkur eru á að ég muni hækka í launum, en það er alveg öruggt að fegurð þín mun ekki aukast!" sagði bankamaðurinn.

"Á máli kaupsýslumanna heitir þetta að verðgildi þitt rýrnar en verðgildi mitt vex. Ég skal útskýra þetta nánar: Þú ert 25 ára núna og verður líklega sæmilega heit næstu fimm árin, en þó minna ár frá ári. Svo ferðu virkilega að dofna. Þegar þú verður 35 ára er öllu lokið."

"Það eru ekki góð kaup í þér (þú ert í rauninni að bjóða þig til kaups), þannig að ég myndi frekar kjósa kaupleigu."

Konan hefur nú tekið auglýsinguna af vefnum - ásamt svarinu - en orðaskiptin hafa gengið manna á millum í tölvupósti og birst á bloggum. Talsmaður vefjarins sem auglýsingin birtist á tjáði The New York Times að svo virtist sem konan hafi birt auglýsinguna af heilum hug.

Þannig stelpur ef ykkur vanta efnilegt efni  í eiginmann krækið í Nonna áður en hann fer að hugsa svona ;D 

! Afmælispartý ! 

Þegar ég vaknaði í morgun, þá leit þetta út eins og hver annar fallegur sumardagur á Íslandi, nema hvað að það voru tveir pólskir iðnaðarmenn fyrir utan gluggann minn þegar ég vaknaði. Átti ekki von á því, en þetta var skemmtilegt surprise. Ég settist við skrifborðið mitt og byrjaði að glugga í skólabækurnar enda mikilvægt próf á morgun. Þegar ég saup fyrsta sopann úr könnunni minni datt mér engan vegin í hug að fyrir miðnætti ætti eftir að birtast mynd af mér í einum vinsælasta fjölmiðli landsins.

Eins og sjá má stend ég þarna í nýju hvítu hettupeysunni minni, undir ljósastaursboganum rétt vinstra megin við gáminn. Ykkur til glöggvunar, þá vil ég benda ykkur á að þarna er um vef að ræða sem er öllu vinsælli en pose.is - fm957.is og superman.is ... SAMANLAGT.

Það er því ljóst að þetta BeerBears blogg hefur hjálpað mér við að komast á síður vinsælustu fréttamiðla landsins. Ég hef því ákveðið að láta hér staðar numið og hætta að skrifa hérna. Enda er blogg sooo 2006. Ég þakka öllum lesendum sem hafa hjálpað mér að þessu markmiði mínu.

Fyrir þá sem vilja sjá nýju hvítu hettupeysuna mín upclose og personal geta séð hana hér á þessari mynd sem var tekin af okkur Hannesi í afmælinu hennar Signýar um daginn. Hún átti afmæli og ákvað að bjóða um 1000 manns í heljarinnar veislu á NASA. Þeir sem þekkja okkur (sem eru væntanlega báðir þeir sem kíkja hingað inn) - vita væntanlega að þetta er ekki besta myndin sem hefur verið tekin af okkur Hannesi!  Færri vita að þetta er alls ekki viskustykki sem Hannes er með um hálsinn.  Þetta er bara tíska...Habbzteinzi sagði mér það!

Bestu kveðjur,

Oggmonster General

Hver kannast ekki við það þegar liðið er á vinnudaginn að hafa ekkert að gera og fara þá bara að hanga á netinu þar til vinnudegi líkur. Allavega ekki ég!

Ég fer þess í stað að lesa skólabækurnar mínar og þar er komið að ykkur að hjálpa mér örlítið. Til dæmis með því að svara þessari spurningarkönnun: http://secure.outcomesurveys.com/survey.aspx?ID=8097

Þetta er samt ýkt óggla langt og ég nenni varla að svara þessu sjálfur... 

Að öðru leiti er ekki rass að frétta. Ég fór á Prikið á laugardagskvöldið og stóð í lappirnar allan tímann. Stór strákur.

blæblæ

Mig langar til að mótmæla reykingarbanninu sem sett hefur verið á skemmtistaði á Íslandi.  Ekki vegna þess að ég sé dyggur aðdáandi reykinga, heldur vegna þess að ég er fyrst orðinn smeykur um líf mitt eftir að það var sett á.

Um daginn sló ég heimsmetið hans Jesse Owens frá 1936, þegar ég flaug rétt tæplega 8 metra niður stigann á Prikinu.  Þetta myndi vera í svona 7 skiptið sem ég flýg niður stigann á Prikinu frá áramótum.  Sú breyting var gerð í kjölfar reykingabannsins að núna er portið fyrir aftan haft lokað og maður getur vippað sér út um dyrnar til að reykja.  Hurðin sem er í tröppunum hefur oftar en ekki bjargað því að ég endi í malbikinu þarna fyrir utan, en þar sem hún er höfð opin núna, þá sé ég fram á það að í framtíðinni muni ég koma til með að fara að fljúga alveg út í port...nema eitthvað verði að gert.

Ég skora því á ríkisstjórn landsins að heimila reykingar að nýju og spara sjálfum sér þannig milljónir í minn heilbrigðiskostnað á komandi árum.

Að lokum langar mig að spyrja ykkur gesti okkar:

a)  Hefur þú komið inn á Prikið?
b)  Hefur þú dottið í tröppunum þar?? (að því gefnu að þú hafir komið þangað inn).